Einn á ferð
Hér og einhvers staðar hef ég verið á vefnum með
heimasíðuna mína síðan 1995.
Þessi síða hefur tekið alls kyns
breytingum í áranna rás. Hún byrjaði ákaflega frumstæð á meðan
það þótti rosalega kúl að hafa vefsíður með hvítum bakgrunni í
staðinn fyrir þennan gráa sem kom sjálfvalinn.
Síðan gekk hún í gegnum
svartaskeiðið (þegar allar töffarlegar síður voru með
svörtum bakgrunni og helst þannig upp settar að það var
ekki nokkur leið að lesa þær) og svo uppgötvaði ég
fjárans rammana og var óþægilega lengi fastur í þeim.
Hún færðist frá því að
vera búin til með Notepad eingöngu yfir í það að vera
hin hroðalegasta Front Page síða.
Núna um vor 2005 er ég að
uppgötva að það er hægt að nota hið ágæta Front Page en
samt taka síðuna úr þessum römmum og hafa hana bara
nokkuð snyrtilega. Vona að einhverjum þyki hún í
lagi.
svartasíðan
