Fellsmörk

Félag áhugafólks um skógrækt á Fellsmörk í Mýrdal

4. janúar 2009

Vetur á Fellsmörk

Vetrarlegir hestar í girðingunni fyrir neðan Álftagróf

Snjór var á Fellsmörk á jólaföstu eins og víðast um allt land. Nú eftir áramótin hefur hins vegar allan snjó tekið upp. Fyrstu helgina í janúar rigndi sem aldri fyrr. Vegurinn var farinn að skemmast og að verða ófær undir Hlíðarbraut en var enn vel jeppafær fyrir vestan Fellið á laugardeginum. Hvort það breyttist seinna um helgina er ekki vitað.

Sigurjón í Pétursey mun væntanlega laga skemmda vegi en þeir sem hyggja á vetrarferðir í Fellsmörk kanna oft færðina hjá Sigurjóni áður en farið er af stað.

Sjá myndir frá jólaföstu í Fellsmörk á myndasíðu

Ýmislegt gengur á þegar veður og náttúruöfl eru annars vegar

Vatnavextir í september 2008 - Ljósm. Einar Ragnar

Um mánaðamótin júlí ágúst gerði rok stórrigningar. Árnar flæddu og hjólhýsi fauk.

Sjá myndir á myndasíðu

Aftur gerði stórrigningar í september og voru það reyndar einhverjir mestu vatnavextir sem Sunnlendingar hafa lent í lengi. Meira og minna allir vegir á flatlendi í Fellsmörk eyðilögðust.

Sjá myndir á myndasíðu

Myndir frá gróðursetningardeginum

Myndir frá gróðursetningunni eru komnar á vefinn.

Það skiptust á skin og skúrir þann 21. júní þegar sameiginleg gróðursetning var á Fellsmörk. Hannes var með myndavélina og myndir eru komnar á vefinn.

Myndasíða

8. júní 2008

Sameiginleg gróðursetning laugardag 21. júní

Árleg sameiginleg gróðursetning á Fellsmörk verður laugardag 21. júní. Mæting kl. 13:00 við bústað Helgu og Auðuns Keldudal nr. 2.

Bréf til kynningar (PDF)

22. apríl 2008

Af aðalfundi Fellsmerkur 3. apríl 2008

Aðalfundur Fellsmerkur var haldinn að Elliðavatni 3 apríl síðastliðinn. Fundurinn var tvískiptur. Fyrir kaffihlé voru hefðbundin aðalfundarstörf en eftir kaffi var kynning á GPS mælingum sem fóru fram síðasta haust og unnið hefur verið úr í vetur. Gestur fundarins, Elín Erlingsdóttir frá Landnotum kynnti mælingarnar. Skipulagið var borið undir fundinn og var það samþykkt með öllum greiddum atkvæðum.

Skýrsla stjórnar (PDF)
Myndir frá fundinum

19. mars 2008

Aðalfundur Fellsmerkur 3. apríl 2008

Stjórn Félags landnema á Fellsmörk boðar til aðalfundar 3. apríl 2008, kl. 20. Fundurinn verður haldinn í samkomusal Skógræktarfélags Reykjavíkur að Elliðavatni

Fundarboð (PDF)

Aðkoma að Elliðavatni er frá Suðurlandsvegi við Rauðhóla:

Bærinn að Elliðavatni:
Elliðavatnsbærinn

10. mars 2008

Ófærð á Fellsmörk

Hjalti og Júlía voru á ferð á austursvæðinu og Sveinn Björnsson var með sínu fólki á vestursvæðinu. Ófærð var mikil.

Um austursvæðið var þetta að segja:

"Þetta telst nú líklega ekki fréttnæmt en ég var í Fellsmörkinni í dag og vegurinn á vestursvæðinu er alveg horfinn frá varnargarði og vestur að Einbúa. Kíkti ekki á austursvæðið.

Sendi eina mynd úr "Mörkinni" til gamans. Hún er tekin á aurunum fyrir neðan Gilsbrautina."

Um vestursvæði var svipaða sögu að segja:

"Gerðum okkur ferð austur í Mýrdal um síðustu helgi .

Vissum að mikill snjór væri á svæðinu þó mikið hefði tekið upp frá síðustu helgi. Bjuggum okkur af stað með gönguskíði og snjóþotur til að koma vistum inneftir.Komumst að Álftagróf en þaðan er algerlega ófært inn í Krók.gengum þaðan og gekk það vel , þrátt fyrir að myrkur væri að skella á og éljahraglandi. Miklir skaflar þar sem gróður hefur hamið snjóinn.

Ef fólk er að hugsa um páskaferð austur ætti það að fylgjast með og spá í snjómagn og útbúa sig miðað við það.

Á laugardeginum og sunnudeginum fengum við allveg frábært veður logn ,sól og allt eins og Mýrdalurinn hefur best upp á að bjóða. Notuðum veðrið og gengum um svæðið og inn í gil eins langt og hægt var að komast."

Fleiri myndir

11. febrúar 2008

Gróðursetning 2007

Plöntunefnd hefur gefið út árlega skýrslu sína og er hún núna aðgengileg á vefnum.

Skýrsla plöntunefndar fyrir árið 2007 (PDF skjal)
Lokatölur gróðursetningar 2007 (Excel skjal)

3. október 2007

Algjörlega ófært á vestursvæðinu

Sigurjón í Pétursey hafði samband í dag.

Hann hafði byrjað lagfæringar á veginum á vestursvæðinu. S.l. nótt (aðfararnótt þriðjud. 2. okt.) gerði mjög mikið vatnsveður þannig að allt sem búið var að gera eyðilagðist. Varnargarðurinn sem Vegagerðin gerði fyrir ca. 5 - 7 árum fór í sundur og mun Einbúinn vera umflotinn!

Vegurinn að vestursvæðinu er þannig með öllu ófær. Sigurjón setti grjóthnullunga yfir veginn þar sem hann fer yfir varnargarðinn (nálægt ruslagámnum) til þess að hindra að einhver lendi í hremmingum.

Á austursvæðinu hafa einnig orðið töluverðar vegaskemmdir. Fyrir þessar stórrigningar voru vegir þar vel færir en þeir hafa skemmst eitthvað í þessum vatnavöxtum.

1. október 2007

GPS mælingar ganga vel

Að sögn Elínar hjá Landnotum gengu mælingarnar mjög vel í frábæru haustveðri 25. september síðastliðinn. Hún hafði mælt sér mót við 2 brautarstjóra sem gátu mætt þann dag, þá Kristinn Helgason fyrir Heiðarbraut og Hjalta Elíasson fyrir Hlíðarbraut, Keldudal og Krók).

Mældar voru lóðir við Heiðarbraut, Hlíðarbraut, í Keldudal og lóðin Krókur 11. Mælt var í tæpar 9 klst samfellt, fram í myrkur

Ef hægt verður að ná brautarstjórum við Hólsbraut og Gilbraut austur sama dag verður hægt að klára það sem eftir er á einum degi… ef veður verður jafn hagstætt og þennan dag.

Það mun ekki verða unnið úr mælingunum fyrr en stafræni kortagrunnurinn er kominn en hér að neðan er skjámynd sem sýnir stöðu punktanna.

Hægt að smella á myndina til að fá hana stóra.

Elín við mælingar á Fellsmörk 25. september 2007 - Ljósm. Kristinn Helgason

In Fellsmörk